उर्लाबारी उद्योग वाणिज्य संघको महासचिवमा यस कारण हेमराज

उर्लाबारी । अागामि भदाै ३० गते माेरङकाे उर्लाबारीमा हुने उद्याेग बाणिज्य संघकाे निर्चाचनकालागि माहाेल तातिदै गएकाे छ । चुनावी साधारण सभा भएकोले यो पटक सङ्घको नेतृत्व हत्याउन दुईवटा गठबन्धन प्यानल बनाएर चुनावी प्रतिस्पर्धामा उत्रिएका छन् ।लोकतान्त्रिक गठवन्धनले निर्वाचनको मिति घोषणा हुन्  एक साता अघि नै आफ्ना साझा उम्मेद्वारको नाम टुङ्गो लगाइसकेको छ भने सरकार पक्षीय वाम गबन्धनले मङ्गबार उम्मेद्वारको नाम सार्वजनिक गरेको छ । उम्मेद्वारको नाम सार्वजनिक भएसँगै उम्मेद्वारहरू ब्यापारी,उद्योगीका घरदैलोमा पुगेर आफ्ना प्रतिवद्धता प्रकट गरिरहेका छन् ।

उद्योगी ब्यापारीको घर दैलोमा पुग्नेमा सबैभन्दा अघि लोकतान्त्रिक गठबन्धनका महासचिवका उम्मेद्वार हेमराज गुरुङ छन् ।लोकतान्त्रिक गठबन्धनका उम्मेद्वार भएपनि उनी दलीय राजनीतिसँग उति साह्रो नजीक छैनन ।उनी भन्छन्–आस्था हरेको हुन्छ । ब्यापारीको हक, अधिकार र ब्यावसायिक सुरक्षा उनको‘बटमलाइन’हो । उनले भने–‘ अहिले कार्य समिति सदस्य छु ,यो कार्यकाल पनि सुखद रह्यो । जुन महत्वाकांक्षा बोकेर वाणिज्य सङ्घ प्रवेश गरेको थिएँ । त्यो पुरा हुन सकेन । त्यसैले यो पटक कार्यकारी पद महासचिवमा उम्मेद्वारी दिने पक्का भएको छ ।

उनले सामाजिक अभियन्ताको रुपमा थुप्रै काम गरेका छन् । उनी भन्छन्–हिजो र आजको राजनीतिक ब्यवस्था र संरचना फरक छ । स्थानीय निकाय स्वायत्त छ । सहकार्यमा धेरै काम गर्न सकिन्छ । उनले राजघाटको दुर्गापुरीमा सञ्चालन गरेको उज्यालो अभियानलाई उर्लाबारी र मङ्गलबारे सम्म विस्तार गर्ने योजना रहेको सुनाए ।

शासन, भाषण र आसनका लागि पद चाहिएको होइन । उनले थपे–उद्योगी ब्यापारीको ब्यापारिक सुरक्षा र अधिकार स्थापना मेरो अर्जुन दृष्टि हो । सबैले यही कुरा भन्छन नि भन्ने जिज्ञाषामा उनले हाँस्दै भने– म सँग नयाँ कुरा पनि छ । त्यो हो, ब्यापारीको पसल, उद्योग र कारखानाको बीमाको ब्यवस्था गर्ने । हामी आज सम्म पनि बीमा बारे चासो राख्दैनौं । लाखौं लगानी ग¥यो । कहिले बाढीले दुख दिन्छ , कहिले आगलागी हुन्छ, कहिले चोरिन्छ , कहिले लुटिन्छ । कम्तीमा एउटा बीमा कोष तयार गरेर ब्यापारीको ७० प्रतिशत र वाणिज्य सङ्घको ३० प्रतिशत लगानी गरी साझेदारीम बीमा गर्न सकिन्छ ।

हेमराज लोकप्रियताको तालीको पक्षमा छैनन । उनी भन्छन–सुझाव सहितको गाली आओस ,सचिन्ने मौका मिल्छ । अझ रमाइलो पक्ष त उनले औषधोपचार गर्न नसकेर थला परेका धेरै विरामीका लागि उपचार खर्च जुटाउन सहयोग पु¥याएका छन् । उनका छिमेकीहरू भन्छन– हेमराजले धेरैको ज्यान बचाउन सहयोग गरेका छन् । सामान्य खेलकुद होस वा विकास निर्माणका काम, पुराण होस या कुनै सामाजिक अभियान, हेमराजको दैलामा पुग्नेहरू खाली हात फर्किका छैनन ।

हेमराज पहिले मोवाइल पसल गर्थे । पछि २०६८ देखि सुन पसल तिर लागे । ५ वर्ष वैदेशिक रोजगारमा कठिन श्रम गरेपछि उनी ब्यावसायमा लागेका हुन् । ताप्लेजुङ दोखुमा जन्मिएका ३७ वर्षीय ब्यावसायी गुरूङले अहिले आफ्नो उर्लाबारी–८ स्थित तमु सुन चाँदी पसलमा ४ जनालाई रोजगार दिएका छन् । उनले आफू महासचिव भए आन्तरिक राजश्व कार्यालयको शाखा उर्लाबारीमा ल्याउन पहल गर्ने बताए ।

Leave a Reply

Your email address will not be published. Required fields are marked *